Қарты бар үйдің - қазынасы бар

01.10.2020 күні №116 ЖББ мектеп оқушыларымен  «Қарттар күніне» орай онлайн сынып сағаттары өткізілді. Сынып сағатымыздың қонағы ретінде Баранова Сания Салахутдиновна апа қатысты. Апа біздің өскелең ұрпаққа өзінің ақыл-кеңестерін, ізгі тілектерін айтып, бүлдіршіндерге өзінің ақ батасын берді. Сұхбат барысында Сания апа өзінің өмірден көрген-түйген оқиғаларымен, бастан кешкен қызықты кезеңдерімен, тәжірибелерімен бөлісіп, балаларға ризашылығын білдірді. Оқушылар да қалыс қалмай, Сания апамызға ізгі тілектерін жаудырды. Апамыз да, оқушыларымыз да дән риза!